Mikrogaymorotomiya

Уз фаолиятим давомида “Мен тез-тез шамоллайман”, “тез-тез гайморит бўламан”, “тез-тез бурун ювдираман”, “менда гайморит бор” деган сузларни беморлардан жуда кўп эшитганман. Бу сузларни эшитганимда купинча беморга савол бераман: Хеч қизиқиб курганмисиз? Нега?

Бундай беморларни аксарияти текширилганда сурункали гайморитнинг хар хил турлари аниқланади. Масалан : Гаймор (юқори жағ бўшлиғи) бушлиғи кисталари, Гаймор (юқори жағ бўшлиғи) бушлиғи полиплари, Гаймор (юқори жағ бўшлиғи) бушлиғи ёт жисмлари “пломба”, мицетома-замбуруғли тана . Юқори жағ бўшлиғи ушбу патологиялари микрогайморотомия жаррохлик амалиёти ёрдамида даволанади.

Кимларда бу операция амалга оширилади?

1. Сурункали йирингли гайморит дори дармон билан даволанганда фойда бермаган

2. Гаймор (юқори жағ бўшлиғи) бушлиғида киста бор,

3. Гаймор (юқори жағ бўшлиғи) бушлиғи полиплари бор,

4. Гаймор (юқори жағ бўшлиғи) бушлиғи ёт жисмлари “пломба”бор,

5. Гаймор (юқори жағ бўшлиғи) бушлиғи мицетома-замбуруғли танаси бор беморларда амалга оширилади.

Эндоскопик микрогайморотомия кандай операция?

Юқори жағ бўшлиғидан (гаймор бўшлиғидан) патологик тўқима ёки моддаларни (йиринг, киста, полип, ёт модда-пломба, мицетома-замбуруғли тана ) олиб ташлаш операциясидир. Бунинг учун эндоскоп назорати остида юқори жағ бушлиғига кирилади ва махсус асбоблар ёрдамида патологик туқималар соғ тўқималарга зарар етказмасдан олиб ташланади. Юқори жағ бўшлиғи шиллиқ қавати холати ва табий тешиги текширилади.

Бу операциянинг устунлиги нима?

Эндоскопик микрогайморотомиянинг устунлиги операция эндоскоп (катталаштириб курсатувчи оптик прибор) ёрдамида амалга оширилади ва операция вақтида травма минимал даражада бўлади. Иккинчидан юқори жағ бўшлиғи табиий тешигига зарар етмайди.

Операция вақтида юзда чандиқ қоладими?
Йуқ. Операция юқори лабнинг пастки қисмидан амалга оширилади.

Операция оғриқлими?
Операция умумий оғриқсизлантиришда амалга оширилгани учун хеч қандай оғриқ булмайди.